।। अथ महालसा कवचम् ।।
।।ब्रह्मोवाच।।
भगवनसर्वधर्मज्ञ सर्वागमविशारद ।
कवचं देवतायस्तु कृपया कथय प्रभो ।।१।।
|| atha mahAlasA kavacham ||
||brahmovAcha||
bhagavanasarvadharmaj~na sarvAgamavishArada |
kavachaM devatAyastu kRRipayA kathaya prabho ||1||
शृणु देव महाप्राज्ञ सर्वशास्त्र विशारद ।
कवचं महालसा देव्या महासिद्धिकरं परम् ।।२।।
shRRiNu deva mahAprAj~na sarvashAstra vishArada |
kavachaM mahAlasA devyA mahAsiddhikaraM param ||2||
मोहिनी मे शिरः पातु भालं नेत्रयुगं तथा ।
भ्रुवौ च कामिनी रक्षेन्मुखम् वागीश्वरी तथा ।।३।।
mohinI me shiraH pAtu bhAlaM netrayugaM tathA |
bhruvau cha kAminI rakShenmukham vAgIshvarI tathA ||3||
श्रोत्रे मंगलरूपा च कण्ठं महिषमर्दिनी ।
भुजौ सौन्दर्यनिलया हस्तौ रक्षेद्यशस्विनी ।।४।।
shrotre maMgalarUpA cha kaNThaM mahiShamardinI |
bhujau saundaryanilayA hastau rakShedyashasvinI ||4||
सर्वदा नाभिदेशेतु कमला पातु चोदरम् ।
विजया ह्रदयं पातु कटि सुरवरार्चिता ।।५।।
sarvadA nAbhideshetu kamalA pAtu chodaram |
vijayA hradayaM pAtu kaTi suravarArchitA ||5||
करौ महालया रक्षेदंगुलीर्भक्तवत्सला ।
वैष्णवी पातुजड.घेच मायामेढ्रं गुदं तथा ।।६।।
karau mahAlayA rakShedaMgulIrbhaktavatsalA |
vaiShNavI pAtujaDa.ghecha mAyAmeDhraM gudaM tathA ||6||
पादौ च देवजननी तलं पातालवासिनी ।पूर्वे महालसा रक्षेद्धक्षिणे सुखदायिनी ।।७।।
pAdau cha devajananI talaM pAtAlavAsinI |pUrve mahAlasA rakSheddhakShiNe sukhadAyinI ||7||
पश्चिमे वारुणी रक्षेदुत्तरे मृतवाहिनी ।एशान्यां पातु चेशानी आग्नेयामग्निदेवता ।।८।।
pashchime vAruNI rakSheduttare mRRitavAhinI | eshAnyAM pAtu cheshAnI AgneyAmagnidevatA ||8||
नैरुत्यां खड्गधारी च वायव्यां मृगवाहिनी ।
ऊर्ध्वं ब्रम्हाणी मे रक्षेदधस्ताद्वैष्णवी तथा ।।९।।
nairutyAM khaDgadhArI cha vAyavyAM mRRigavAhinI |
UrdhvaM bramhANI me rakShedadhastAdvaiShNavI tathA ||9||
अग्रतः पातुचेंद्राणी वाराही पृष्ठतस्थता ।
कौबेरी चोत्तरे पातु दक्षिणे विष्णुवल्लभा ।।१०।।
agrataH pAtucheMdrANI vArAhI pRRiShThatasthatA |
kauberI chottare pAtu dakShiNe viShNuvallabhA ||10||
इदं कवचमज्ञात्वा योभजेन्मोहिनीं तथा ।
वृथा श्रमो भवेतस्य न मन्त्रः सिद्धिदायकः ।।११।।
idaM kavachamaj~nAtvA yobhajenmohinIM tathA |
vRRithA shramo bhavetasya na mantraH siddhidAyakaH ||11||
भूर्जपत्रे समालिख्य कुंकुमादिक चन्दनैः ।
शतमष्टोतरं जप्यं स्वर्णस्थं धार्यतेयदि ।।१२।।
कण्ठे वा दक्षिणे बाहाविष्टसिद्धिर्भवेद् ध्रुवम् ।
सर्वथा सर्वदा नित्यं जपेन्मोहिनिकं तथा ।।१३।।
kaNThe vA dakShiNe bAhAviShTasiddhirbhaved dhruvam |
sarvathA sarvadA nityaM japenmohinikaM tathA ||13||
राजद्वारे सभास्थाने कारागृहनिबन्धने ।
जलमध्ये चाग्निमध्ये तथा निर्जनके वने ।।१४।।
rAjadvAre sabhAsthAne kArAgRRihanibandhane |
jalamadhye chAgnimadhye tathA nirjanake vane ||14||
अरण्ये प्रान्तरे घोरे शत्रुसंघे महाहवे ।
शास्त्रघाते विषे पीते जपन्सिद्धिमवाप्नुयात् ।।१५।।
araNye prAntare ghore shatrusaMghe mahAhave |
shAstraghAte viShe pIte japansiddhimavApnuyAt ||15||
ब्र्ह्मराक्षसवेतालाः कूष्माण्डा भैरवादयः ।
नश्यन्ति दर्शनात्तस्य कवचे हृदि संस्थिते ।। १६ ।।
brhmarAkShasavetAlAH kUShmANDA bhairavAdayaH |
nashyanti darshanAttasya kavache hRRidi saMsthite || 16 ||
मनसा चिन्तितं कार्यं सहस्त्रं जपतस्तथा ।
पलाशमूले प्रजपेत्सहस्त्रत्रितयंमुद्धा ।।१७।।
manasA chintitaM kAryaM sahastraM japatastathA |
palAshamUle prajapetsahastratritayaMmuddhA ||17||
शत्रुहानिध्रुवं चात्र जायते नात्र संशयः ।
अर्कमूले जपेन्नित्यं मन्त्रराजमिमं शुभम् ।।१८।।
shatruhAnidhruvaM chAtra jAyate nAtra saMshayaH |
arkamUle japennityaM mantrarAjamimaM shubham ||18||
भोजयेत् ब्राह्मणांश्चैव लक्ष्मीर्वसति सर्वदा ।
यदिदं कवचं नित्यं प्रीत्या तव मयोदितम् ।।१९।।
bhojayet brAhmaNAMshchaiva lakShmIrvasati sarvadA |
yadidaM kavachaM nityaM prItyA tava mayoditam ||19||
यो जपेत्सर्वदा भक्त्या मोहिन्याः कवचं शुभं ।
वाङछितं फलमाप्नोति नात्र कार्या विचारणा ।।२०।।
।।इति श्रीभविष्योत्तरपुराणे ब्रह्मप्रोक्तं महालसा कवचं संपूर्णम् ।।
yo japetsarvadA bhaktyA mohinyAH kavachaM shubhaM |
vA~NaChitaM phalamApnoti nAtra kAryA vichAraNA ||20||
||iti shrIbhaviShyottarapurANe brahmaproktaM mahAlasA kavachaM saMpUrNam ||